[Officium]
Orationis Domini Nostri Jesu Christi in Monte Oliveti

[Rank]
;;Duplex majus;;4;;

[Rule]
9 lectiones
Psalmi Dominica
Antiphonas horas
Psalm5 Vespera=116
Psalm5 Vespera3=138
Gloria
Credo
Prefatio=Quad5

[Ant Vespera]
Venit Jesus * cum discipulis suis in villam, quæ dicitur Gethsemani, et dixit illis: Sedete hic, donec vadam illuc, et orem.
Et assúmpto Petro, * et duobus filiis Zebedæi, cœpit contristari et mœstus esse.
Tunc ait illis: * Tristis est anima mea usque ad mortem: sustinete hic, et vigilate mecum.
Et progressus pusillum, * procidit in fáciem suam, orans, et dicens: Pater mi, si possibile est, transeat a me calix iste.
Pater mi, * si non potest hic calix transire, nisi bibam illum, fiat volúntas tua.

[Hymnus Vespera]
v. Áspice ut Verbum Patris a supernis
Sedibus, clemens et amóre flagrans,
Perditis culpa genitis mederi
Pergit Adami.
_
Flebilem mundi míserans ruinam,
Et volens nostros reparáre casus,
Orat, et prona véniam precatur
Fronte magíster.
_
Fluctuat secum tot acerba volvens:
Hunc, ait supplex, cálicem dolóris,
Mi Pater, transfer; tua sed volúntas,
Non mea fiat.
_
Cum premat tristis pavor ima cordis,
Déficit languens Dóminus; per artus
Sánguinis sudor fluit, atque guttis
Terra madescit.
_
At celer summo véniens Olympo
Ángelus Jesum recreat jacentem:
Córpori vires redeunt, novoque
Róbore surgit.
_
Laus, honor Patri, genitæeque Proli,
Cui datum nomen super omne nomen,
Et Paracleto decus atque virtus,
Omne per ævum.
Amen.

[Versum 1]
V. Tristis est ánima mea.
R. Usque ad mortem.

[Ant 1]
Pósitis génibus orábat, dicens: Pater, si vis, transfer cálicem istum a me: verúmtamen non mea volúntas, sed tua fiat.

[Oratio]
Dómine Jesu Christe, qui in horto verbo et exémplo nos oráre docuísti, ad tentationum perícula superanda: concéde propítius; ut nos oratióni semper inténti, ejus copiosum fructum consequi me reamur:
$Qui vivis

[Invit]
Christum Jesum in monte Olivarum orantem * Venite adoremus.

[Hymnus Matutinum]
@:Hymnus Vespera

[Ant Matutinum]
Ante oratiónem præpara ánimam tuam, et noli esse quasi homo qui tentat Deum.;;16
Non impediaris oráre semper, et ne verearis usque ad mortem justificari.;;27
Ómnia quæcúmque petieritis in oratióne credéntes, accipietis.;;141
Cum oratis, non éritis sicut hypocritæ, qui amant in synagogis et in angulis plateárum stantes oráre, ut videántur ab homínibus.;;42
Tu autem cum oraveris, intra in cubiculum tuum, et clauso ostio, ora Patrem tuum in abscóndito.;;63
Factum est autem in illis diébus, exiit Jesus in montem oráre, et erat pernoctans in oratióne Dei.;;120
Tribulátio et angústia invenérunt me, mandáta tua meditátio mea est.;;3
Sustínui qui simul contristarétur, et non fuit: et qui consolarétur, et non invéni.;;12
Adhǽsit paviménto ánima mea, vivífica me secúndum verbum tuum.;;87

[Nocturn 1 Versum]
@:Versum 1

[Nocturn 2 Versum]
V. Pater mi, si possíbile est.
R. Tránseat a me calix iste.

[Nocturn 3 Versum]
V. Vigiláte et oráte.
R. Ut non intrétis in tentatiónem.

[Lectio1]
De libro Tobiæ
!Tob 12:8-13
8 Bona est orátio cum ieiunio, et eleemosyna magis quam thesáuros auri recondere:
9 quóniam eleemosyna a morte liberat, et ipsa est quæ purgat peccáta, et facit invenire misericórdiam et vitam ætérnam.
10 Qui autem fáciunt peccátum et iniquitátem, hostes sunt ánimæ suæ.
11 Manifesto ergo vobis veritátem, et non abscóndam a vobis occultum sermónem.
12 Quando orabas cum lacrymis, et sepeliebas mórtuos, et derelinquebas prandium tuum, et mórtuos abscondebas per diem in domo tua, et nocte sepeliebas eos, ego obtuli oratiónem tuam Dómino.
13 Et quia accéptus eras Deo, necésse fuit ut tentatio probaret te.

[Responsory1]
R. In ómnibus grátias ágite:
* Sine intermissióne orate.
V. Hæc est enim volúntas Dei in Christo Jesu in ómnibus vobis.
R. Sine intermissióne orate.

[Lectio2]
De Epistola beati Jacóbi Apóstoli.
!Jac 5:16-20
20 Oráte pro ínvicem ut salvémini: multum enim valet deprecátio iusti assídua.
17 Elías homo erat símilis nobis passíbilis: et oratióne orávit ut non plúeret super terram, et non pluit annos tres, et menses sex.
18 Et rursum orávit: et cælum dedit plúviam, et terra dedit fructum suum.
19 Fratres mei, si quis ex vobis erráverit a veritáte, et convérterit quis eum:
20 scire debet quóniam qui convérti fécerit peccatórem ab erróre viæ suæ, salvábit ánimam eius a morte, et opériet multitúdinem peccatórum.

[Responsory2]
R. Cum stábitis ad orándum,
* Dimittite, si quid habétis advérsus áliquem.
V. Ut et Pater vester, qui in cœlis est dimíttat vobis peccáta vestra.
R. Dimittite, si quid habétis advérsus áliquem.

[Lectio3]
De Epistola beati Pauli Apóstoli ad Hebrǽos
!Heb 5:5-10
5 Christus non semetípsum clarificávit ut póntifex fíeret: sed qui locútus est ad eum: Fílius meus es tu, ego hódie génui te.
6 Quemádmodum et in álio loco dicit: Tu es sacérdos in ætérnum, secúndum órdinem Melchísedech.
7 Qui in diébus carnis suæ preces, supplicationésque ad eum qui possit illum salvum fácere a morte cum clamóre válido, et lácrymis ófferens, exaudítus est pro sua reveréntia.
8 Et quidem cum esset Fílius Dei, dídicit ex iis, quæ passus est, obediéntiam:
9 et consummátus, factus est ómnibus obtemperántibus sibi, causa salútis ætérnæ,
10 appellátus a Deo póntifex iuxta órdinem Melchísedech.

[Responsory3]
R. Exaudívit Dóminus deprecatiónem meam:
* Dóminus oratiónem meam suscépit.
V. Clamávi in toto corde meo, exaúdi me Dómine.
R. Dóminus oratiónem meam suscépit.
&Gloria
R. Dóminus oratiónem meam suscépit.

[Lectio4]
Ex Tractatu sancti Cypriáni Epíscopi et Mártyris !De Oratióne Domínica Nec verbis tantum, sed et factis Dóminus oráre nos dócuit, ipse orans frequénter, et deprecans, et quid fácere nos oporteret exempli sui contestatione demonstrans, sicut scriptum est: Ipse autem fuit secedens in solitúdinem, et adorans. Et íterum: Exívit in montem oráre, et fuit pernoctans in oratióne Dei. Quod si ille orabat, qui sine peccáto erat, quanto magis peccatóres opórtet oráre! Et si ille per totam noctem júgiter vigilans continuis précibus orabat, quanto nos magis in frequentanda oratióne debémus nocte vigiláre! Orabat autem Ddminus, et rogábat non pro se: quid enim pro se ínnocens precarétur? sed pro delíctis nostris, sicut et ipse declarat, cum dicit ad Petrum: Ecce satanas expetivit ut vos vexaret quómodo tríticum: ego autem rogavi pro te, ne deficiat fides tua. Et póstmodum pro ómnibus Patrem deprecatur, dicens: Non pro his autem rogo solis, sed et pro illis, qui credituri sunt per verbum ipsórum in me: ut omnes unum sint, sicut tu, Pater, in me, et ego in te; ut et ipsi in nobis unum sint.

[Responsory4]
R. Simon, Simon, ecce satanas expetivit vos ut cribraret sicut triticum:
* Ego autem rogavi pro te, ut non deficiat fides tua.
V. Et tu aliquando conversus confirma fratres tuos.
R. Ego autem rogavi pro te, ut non deficiat fides tua.

[Lectio5]
Ex Commentáriis sancti Anselmi Epíscopi. !In Epist. ad Hebræos, cap. 5 Sicut verus Póntifex óbtulit preces: nam in Evangélio sæpe légitur orasse, et máxime apud Lucam, qui sacerdótis in eo descripsit persónam. Sed et quidquid ipse egit in carne, preces et supplicationes fuérunt pro homínibus. Tota vita sua Patrem oravit de resurrectione carnis suæ, ac de nostra salúte, et instánte jam passióne, óbtulit supplicationes, id est, humillimas et instantissimas orationes cum summa devotióne cordis et affectione, quando factus in agonia prolixius orabat et factus est sudor ejus sicut guttæ sánguinis decurrentis in terram. Et has preces supplicationesque óbtulit, id est, óbviam tulit Patri per exauditionem sibi obvianti. Óbtulit eas ad eum qui posset illum a morte salvum fácere, id est resuscitare, ad eum quem scivit esse sufficientem ut salvaret eum, id estm immortalem et impassibilem fáceret eripiendo a morte; ut nec ánima remaneret in inférno, nec caro putresceret in sepulchro.

[Responsory5]
R. Oratio humiliantis se nubes penetrabit:
* Et donec propinquet, non consolabitur.
V. Et non discedet donec Altissimus aspiciat.
R. Et donec propinquet, non consolabitur.

[Lectio6]
Et óbtulit has cum clamore valido, id est, cum intentione piæ devotiónis vehementissima et efficacissima, ut quando prolixius orabat, et étiam cum lácrimis; quia in illa prolíxa oratióne credendus est lácrimas effudisse, cum et guttæ sánguinis pro sudore decurrerent ab ejus córpore; et exauditus est, quia quod quæsierat, accépit in resurrectione. Exauditus est, id est, extra númerum aliórum ómnium auditus est, quóniam super omnem creatúram post labóris sui milítiam a Patre sublimatus est, et hoc pro sui reveréntia, id est, secúndum hoc, quod ipse sicut Dei Fílius, dignus est reveréntia et veneratióne. Vel pro sua reveréntia in Deum, id est, propter quod ipse super ómnia Patrem reveritus est et honoravit. Sive pro sua reveréntia, id est, sicut sua religio méruit. Sánguinis quoque ejus effusio potest intelligi clamor validus, in quo exauditus est pro reveréntia ejúsdem passiónis. Reveréntia est, quod sine peccáto passus est sola caritáte.

[Responsory6]
R. Fiant aures tuæ auscultantes, et oculi tui aperti:
* Ut aúdias oratiónem servi tui.
V. Quam ego oro coram te hodie nocte ac die.
R. Ut aúdias oratiónem servi tui.
&Gloria
R. Ut aúdias oratiónem servi tui.

[Lectio7]
Léctio sancti Evangélii secúndum Lucam
!Luc 22:39-44
In illo témpore: Egréssus Jesus ibat secúndum consuetúdinem in montem Olivárum. Secúti sunt autem illum et discipuli. Et réliqua.
_
Homilía sancti Ambrósii Epíscopi
!Lib. 10. Commcnt. in Luc. c. 22.
Transfer a me cálicem istum: quasi homo mortem recúsans, quasi Deus senténtiam suam servans. Opórtet enim mori nos sǽculo, ut resurgamus Deo: ut juxta divínam senténtiam lex maledictionis resoluta in terræ limum natúræ fine solvátur. Quod autem ait: Non mea volúntas, sed tua fiat; suam ad hóminem rétulit, Patris ad divinitátem. Volúntas enim hóminis, temporalis, volúntas divinitátis, ætema. Non ália volúntas Patris, ália Fílii. Una enim volúntas, ubi una divínitas. Disce tamen Deo esse subjectus, ut non quod ipse vis eligas, sed quod Deo scias esse placiturum.

[Responsory7]
R. Veni in altitúdinem maris:
* Et tempestas demersit me.
V. Salvum me fac Deus, quoniam intraverunt aquæ usque ad animam meam.
R. Et tempestas demersit me.

[Lectio8]
Deínde verbórum ipsórum proprietatem consideremus. Tristis est, inquit, animamea. Et álibi: Nunc ánima meaturbata est valde. Non ergo suscípiens, sed suscépta turbatur. Ánima enim obnoxia passiónibus, divínitas líbera. Dénique spíritus promptus, caro autem infirma. Tristis autem est non ipse, sed ánima. Non est tristis sapiéntia, non divína substántia, sed ánima. Suscépit enim ánimam meam, suscépit corpusmeum. Non me fefellit, ut áliud esset, et áliud viderétur. Tristis videbátur, et tristis erat non pro sua passióne, sed pro nostra dispersione.

[Responsory8]
R.Intret in conspectu tuo oratio mea:
* Inclina aurem tuam ad precem meam.
V. Quia repleta est malis anima mea, et vita mea inferno appropinquavit.
R. Inclina aurem tuam ad precem meam.
&Gloria
R. Inclina aurem tuam ad precem meam.

[Lectio9]
Dénique ait: Percútiam pastórem, et dispergéntur oves gregis. Tristis erat, quia nos párvulos relinquebat. Ceterum quam constánter se morti obtulerit consequentia declarant: quandóquidem quærentibus occurrit, turbatos confirmávit, trepidos provocavit, proditorem osculi dignatione suscépit. Nec illud distat a vero, si tristis erat pro persecutoribus suis, quos sciebat immanis sacrilegii pœnas daturos. Et ídeo dixit: Transfer hunc cálicem a me. Non quia Deus, Dei Fílius, mortem timebat; sed quia nec malos pro se períre volébat.”

[Ant Laudes]
@:Ant Vespera

[Capitulum Laudes]
!Mt 26
Venit Jesus ad discípulos suos, et invénit eos dormiéntes, et dicit Petro: Sic non potuistis una hora vigiláre mecum? Vigiláte, et orate, ut non intretis in tentatiónem.
$Deo grátias

[Hymnus Laudes]
v. Venit e cœlo mediátor alto,
Quem sacri dudum cecinore vates:
Parce mcerori, lacrimisque amaris,
Fília Sion.
_
Áttulit mortem vetus hortus, unde
Culpa prodivit: novus iste vitam
Hortus en affert, ubi nocte Jesus
Pérmanet orans.
_
Vindicem placat Genitoris iram:
Reprimit forti jacienda dextra
Fulmina: occurrit sceleri expiando
Sponte Redémptor.
_
Sic teret duros láqueos averni,
Et diu clausam reserabit aulam,
Nos ad seterni revocans beáta
Gaudia regni.
_
Laus, honor Patri, genitæeque Proli,
Cui datum nomen super omne nomen,
Et Paracleto decus atque virtus,
Omne per ævum.
Amen.

[Versum 2]
V. Doce nos oráre.
R. Sic ergo vos orabitis.

[Ant 2]
Factus in agonia prolixius orabat; et factus est sudor ejus guttæ sánguinis decurrentis in terram.

[Lectio Prima]
!Matth. 5
Orate pro persequéntibus et calumniántibus vos: ut sitis fílii Patris vestri, qui in cœlis est.

[Responsory Breve Tertia]
R.br. Tristis est * Anima mea.
R. Tristis est * Anima mea.
V. Usque ad mortem.
R. Anima mea.
&Gloria
R. Tristis est * Anima mea.

[Versum Tertia]
@:Nocturn 2 Versum

[Capitulum Sexta]
!Luc 21
Vigiláte ítaque omni témpore orantes, ut digni habeamini fugere ista ómnia quæ futúra sunt, et stare ante Fílium hóminis.
$Deo grátias

[Responsory Breve Sexta]
R.br. Pater mi, * Si possíbile est.
R. Pater mi, * Si possíbile est.
V. Tránseat a me calix iste.
R. Si possíbile est.
&Gloria
R. Pater mi, * Si possíbile est.

[Versum Sexta]
@:Nocturn 3 Versum

[Capitulum Nona]
@:Lectio Prima
$Deo gratias

[Responsory Breve Nona]
R.br. Vigiláte, * Et oráte.
R. Vigiláte, * Et oráte.
V. Ut non intrétis in tentatiónem.
R. Et oráte.
&Gloria
R. Vigiláte, * Et oráte.

[Versum Nona]
@:Versum 3

[Versum 3]
V. Factus est sudor ejus.
R. Sicut guttæ sánguinis.

[Ant 3]
Ecce appropinquávit hora, et Fílius hóminis tradétur in manus peccatórum.

[Introitus]
!Ps 54:5-6
v. Cor meum conturbátum est in me, et formído mortis cécidit super me. Timor et tremor venérunt super me. (Allelúja, allelúja.)
!Ps. 8:2
Salvum me fac, Deus: quóniam intravérunt aquæ usque ad ánimam meam.
&Gloria
v. Cor meum conturbátum est in me, et formído mortis cécidit super me. Timor et tremor venérunt super me. (Allelúja, allelúja.)

[Lectio]
Léctio Epístolæ beáti Pauli Apóstoli ad Hebrǽos.
!Hebr. 5:5-10
Fratres: Christus non semetípsum clarificávit, ut Póntifex fíeret: sed qui locútus est ad
eum: Fílius meus es tu, ego hódie génui te. Quemádmodum et in álio loco dicit: Tu es Sacérdos in ætérnum secúndum órdinem Melchísedech. Qui in diébus carnis suæ preces supplicationésque ad eum, qui possit illum salvum fácere a morte, cum clamóre válido et lácrimis ófferens, exaudítus est pro sua reveréntia: et quidem, cum esset Fílius Dei, dídicit ex iis, quæ passus est, obœdiéntiam: et consummátus, factus est ómnibus obtemperántibus sibi causa salútis ætérnæ, appellátus a Deo Póntifex juxta órdinem Melchísedech.

[Graduale]
!Ps 87:4-5
Repléta est malis ánima mea, et vita mea inférno appropinquávit.
V. Æstimátus sum cum descendéntibus in lacum, factus sum sicut homo sine adjutório.
Allelúja, allelúja.
!Ps. 21:25.
V. Dóminus non avértit fáciem suam a me: et, cum clamárem ad eum, exaudívit me. Allelúja.

[GradualeP]
Allelúja, allelúja.
!Ps. 27:6-7.
V. Benedíctus Dóminus: quóniam exaudívit vocem deprecatiónis meæ. Allelúja.
V. Dóminus adjútor meus et protéctor meus: in ipso sperávit cor meum, et adjútus sum. Allelúja.

[Tractus]
!Ps 87:4-5
Repléta est malis ánima mea, et vita mea inférno appropinquávit.
V. Æstimátus sum cum descendéntibus in lacum, factus sum sicut homo sine adjutório.
_
!Tractus Ps 68:17-18
Exáudi me, Dómine, quóniam benígna est misericórdia tua.
V. Et ne avértas fáciem tuam a púero tuo: quóniam tríbulor, velóciter exáudi me.
!Ps. 21:12.
V.  Ne discésseris a me: quóniam tribulátio próxima est: quóniam non est qui ádjuvet.

[Evangelium]
Sequéntia ++ sancti Evangélii secúndum Lucam.
!Luc 22:39-44
In illo témpore: Egréssus Jesus ibat secúndum consuetúdinem in montem Olivárum. Secúti sunt autem illum et discípuli. Et cum pervenísset ad locum, dixit illis: Oráte, ne intrétis in tentatiónem. Et ipse avúlsus est ab eis, quantum jactus est lápidis, et pósitis génibus orábat, dicens: Pater, si vis, transfer cálicem istum a me: verúmtamen non mea volúntas, sed tua fiat. Appáruit autem illi Angelus de cœlo, confórtans eum. Et factus in agónia, prolíxius orábat. Et factus est sudor ejus sicut guttæ sánguinis decurréntis in terram.

[Offertorium]
!Ps. 68:2.
Salvum me fac, Deus: quóniam intravérunt aquæ usque ad ánimam meam. (Allelúja.)

[Secreta]
Hujus sancti sacrifícii méritis fac nos, quǽsumus, line, divína institutióne formátos curam oratióni tam efficáciter impéndere: ut Jesus Christus, Fílius tuus, in éxitu nostro vígiles nos et a culpa solútos invéniat:
$Qui tecum

[Communio]
!Matth. 26:41.
Vigiláte et oráte, ut non intrétis in tentatiónem: spíritus quidem promptus est, caro autem infírma. (Allelúja.)

[Postcommunio]
Refécti alimónia cœlésti, súpplices te rogámus, Pater omnípotens: ut, per unigéniti Fílii tui oratiónis virtútem, nos in tantis córporis et ánimæ perículis constitúti, ad cœléstia regna secúre perveníre mereámur.
$Per eundem
